Бектеши: Од 1 март ќе замрзне цената на белиот и полубел леб, нема да биде над 33 денари

Од 1 март ќе замрзне цената на лебот и нема да биде над 33 денари и за белиот и полубелиот леб. Ова е само прв чекор од производите наведени во одлуката на Владата. Ќе следат и нови одлуки за замрзнување на цените. Се прават анализи за тестенините и тие средства ќе се користат за укинување на некои давачки, изјави пред два дена на прес-конференција министерот за економија, Крешник Бектеши.

Мерката, според Бектеши, ќе важи се додека ќе биде во интерес за граѓаните.

Министерот посочи оти се прават анализи и за тестенините, генерално за макароните и шпагетите и тие средства, како што посочи, ќе се користат во укинување на некои давачки, а со тоа ќе се влијае и во намалување на цените на истите производи и ако има потреба и за другите наведени во одлуката ќе ги замрзнат цените.

„Не може да има разлика во делот на цената на лебот 28 до 38 денари на истиот леб. Дополнителнио ќе се утврди и количината и Државниот пазарен инспекторат ќе провери не само за цената, туку и за количината бидејќи е утврдено дека одредени производители, трговци ги намалуваат цените, но ги намалуваат паралелно и количините на тој производ. Затоа, под 450 грама бел и полубел леб не може да се продаде и тоа ќе биде со утврдена цена за највисока можна цена. Под тоа може да биде, над тоа не може да биде, информира Бектеши.

Цените, како што појасни Бектеши, нема да се зголемат по завршување на мерката, освен ако се зголемат цените на суровините и тогаш може да има нагло покачување на цената.

За овошје и зеленчук, Бектеши рече дека, чекаат предлог од МЗШВ, додека за другите производи речиси неделно ќе се прават поединечно анализи за сите производи и ако гледаат дека тоа се злоупотребува тогаш ќе донесат соодветни одлуки.

Статијата е прочитана 183 пати.

Сподели: